ഒരാള് പൂളമരം മുറിക്കുന്നു. കുന്നത്തേല് കുഞ്ഞുതോമ സ്വന്തം ചുമലുകൊണ്ട് മുറിഞ്ഞു വീണ പൂള മരം താങ്ങുന്നു. ഇതിനെയാണ് എതിര് ശക്തികള് ചരിത്രപരമായ വിഢിത്തമായി കുറിച്ചുവെച്ച് പത്തായപുരത്തുകാരെ ആജീവാനന്ത വിഢികളായി ഗണിച്ചുപോന്നത്.
അന്ന് പത്തായ പുരത്തിന്റെ മുഖ്യ ശത്രുരാജ്യം ആയിരുന്ന ലിപ്പന് സിറ്റി യില് നിന്നും വന്നതായിരുന്നു ആ മരം വെട്ടുകാരന്. കുന്നത്തേല് കുഞ്ഞുതോമ സ്വന്തം ചുമലുകൊണ്ട് പൂള മരം താങ്ങി
യ കഥ അയാളാണ് നാടാകെ പാടി നടന്നത്.
സത്യത്തില് സംഭവിച്ചത് എന്താണെന്ന് പില്ക്കാലത്ത് കുന്നത്തേല് കുഞ്ഞുതോമയുടെ ജീവിത രേഖയില് വ്യക്തമാക്കിയിട്ടുണ്ട്.
മഹാ മണ്ടനായ മരം വെട്ടുകാരന് ഇരിക്കുന്ന കൊമ്പായിരുന്നു വെട്ടിക്കൊണ്ടിരുന്നത്. അതുവഴിയെ സഞ്ചരിക്കുകയായിരുന്ന കുന്നത്തേല് കുഞ്ഞുതോമ ഈ കാഴ്ച കാണുകയും മരച്ചുവട്ടിലേക്ക് ഓടിയെത്തുകയും ചെയ്തു. അപ്പോഴേക്കും പൂള മരക്കമ്പ് മരംവെട്ടുകാരനോടൊപ്പം താഴേക്ക്. അപ്പോള് കുഞ്ഞുതോമ ചുമലുകൊണ്ട് മരം വെട്ടുകാരനെ താങ്ങി അയാളുടെ ജീവന് രക്ഷിക്കുകയായിരുന്നു.
ഇതാണ് യാഥാര്ത്ഥ്യം എന്നിരിക്കെ അപവാദം പ്രചരിപ്പിച്ച് ഒരു ജനതയെ ഒന്നടങ്കം പൂളതാങ്ങികള് എന്ന് മുദ്രകുത്തുകയായിരുന്നു.
പത്തായപുരം ഹിസ്റ്റോറിക്കല് ഡിപ്പാര്ട്മെന്റ് വളച്ചൊടിക്കപ്പെട്ട ഇത്തരം ചരിത്രങ്ങള് തിരുത്തി സംരക്ഷിക്കുന്ന ചുമതല ഏറ്റെടുത്തുകഴിഞ്ഞു.
അഭിനവസച്ചി
........................
ഞങ്ങളുടെ
ഉപോല്ബലകമായ
വിപ്ലവവീര്യങ്ങള്ക്കുവേണ്ടി,
മണക്കാത്ത ലഹരികൊണ്ട്
കുടുംബകോടതിയുടെ
നാസാദ്വാരത്തെ
കബളിപ്പിക്കെണ്ടാതായ
രാവുകള്ക്ക് വേണ്ടി,
തീര്ച്ചയായും...
ഒരിക്കലും മാറാത്ത
ഞങ്ങളുടെ
സാന്ധ്യരോഗങ്ങള്ക്കുള്ള
മരുന്നിനുവേണ്ടി...
ഡോക്ടര് കന്താര്,
സ്വര്ഗ്ഗത്തിലെ
വനവലാകയായ
ചങ്ങാതീ,
ജീവിതത്തില് ഒരിക്കലെങ്കിലും
ഞങ്ങള് അങ്ങയെ
കാത്തുനില്ക്കാതിരുന്നിട്ടില്ല....
ദൌത്യം ഹൃദയപൂര്വ്വം ഏറ്റെടുക്കുന്നതായി ചാക്കാല.
.....................................................................
പത്തായപുരം: അശകുശല് ചെയര്മാനായി ഫാദര് ജെ. ചാക്കാല സ്ഥാനമേറ്റു. പത്തായപുരത്തെ അശകുശല് ആസ്ഥാനത്ത് നടന്ന വര്ണാഭമായ ചടങ്ങില് വെച്ചായിരുന്നു അദ്ദേഹത്തിന്റെ സ്ഥാനാരോഹണം.
അടിച്ചമര്ത്തപ്പെട്ടിട്ടും കുതിച്ചുയര്ന്ന മാധ്യമശബ്ദം, പത്തായപുരത്തിന്റ ആത്മാവിഷ്കാരം, വീരോചിതമായ ചിന്തകളും അഭിപ്രായങ്ങളും കൊണ്ട് പൂളതാങ്ങിയന് മാനസത്തില് ലബ്ധ പ്രതിഷ്ഠ നേടിയ അശകുശലിന്റെ സാരഥ്യം ഫാദര് ജെ. ചാക്കാല ഏറ്റെടുക്കുമ്പോള് അശകുശല് ആസ്ഥാനത്തെ വറീത് മാപ്പിള മെമ്മോറിയല് ചേംബറിലെ ക്ഷണിക്കപ്പെട്ട പ്രബുദ്ധ സദസ്സ് ഇരിപ്പിടത്തില്നിന്നും എണീറ്റ് കരഘോഷം മുഴക്കി.
ഒറ്റത്തെങ്ങ് ജംഗ്ഷനില്നിന്നും വിവിധ പരമ്പരാഗത കലാരൂപങ്ങളുടെയും വാദ്യ മേളങ്ങളുടെയും അകമ്പടിയോടെ തുറന്ന വാഹനത്തില് അദ്ദേഹത്തെ ആനയിക്കുകയായിരുന്നു. വഴിനീളെ എല്.എഫ് നാരിമാര് പുഷ്പ വൃഷ്ടി നടത്തി. പാതയ്ക്ക് ഇരുവശവും നിറഞ്ഞു നിന്ന ജനക്കൂട്ടത്തെ നിയന്ത്രിക്കാന് പോലീസ് നന്നേ പ്രയാസപ്പെടുന്നുണ്ടായിരുന്നു.
ഏറ്റെടുക്കുന്ന ഉത്തരവാദിത്വത്തെ ക്കുറിച്ച് ബോധവാനാണ് താനെന്ന് മറുപടി പ്രസംഗത്തില് ഫാദര് ജെ. ചക്കാല പറഞ്ഞു. കദീസുമ്മ ബീവി സര്ക്കാരിന്റെ നിരന്തരമായ നിയമനടപടികളാല് പലവുരു പരിക്കേറ്റ അശകുശലിനെ കൂടുതല് ശക്തിയുള്ളതും കര്മ്മബോധം ഉള്ളതുമാക്കുക എന്ന ഭാരിച്ച കര്ത്തവ്യമാണ് തനിക്ക് ഏറ്റെടുക്കാനുള്ളതെന്നും ചക്കാല പറഞ്ഞു. ഏത് സര്ക്കാര് വന്നാലും സത്യത്തിനു നേരെ മുഖം തിരിക്കാന് അശകുശല് തയ്യാറല്ലെന്നും ഏത് വെല്ലുവിളികളെയും നേരിടാന് പാകത്തില് ജനപിന്തുണ അശകുശലിന് ഉണ്ടെന്നും അദ്ദേഹം അറിയിച്ചു.
എന്നും അശകുശലിനോടൊപ്പം സഞ്ചരിച്ചിട്ടുള്ള ഫാദര് ചക്കാല അശകുശലിന്റെ സാരഥ്യം ഏറ്റെടുക്കുന്നത് ഇതിന്റെ അണിയറ ശില്പ്പികള്ക്ക് കൂടുതല് ഊര്ജ്ജം നല്കുമെന്നും അശകുശല് കുടുംബത്തിലെ മുഴുവന് പേര്ക്കും വേണ്ടി ഹൃദയപൂര്വ്വമാണ് താന് അദ്ദേഹത്തെ സ്വാഗതം ചെയ്യുന്നതെന്നും നിറഞ്ഞ കരഘോഷത്തിനിടെ അശകുശല് എഡിറ്റര് ഇന് ചാര്ജ് ശ്രീ കോന്സ് പറഞ്ഞു.
ചീഫ് എഡിറ്റര് വി. കുന്സുരുള, ചീഫ് സബ് എഡിറ്റര് ജെ. പാലൊളി, മച്ചുനാട് വിദേശകാര്യ സെക്രട്ടറി ഡോ. അംബി അംബേദ്ക്കര് തുടങ്ങി ഒട്ടേറെ പ്രമുഖര് ടെലിഫോണിലൂടെയും ഇ- മെയില് സന്ദേശങ്ങളിലൂടെയും ഫാദര് ജെ. ചക്കാലയെ അനുമോദിച്ചു.
ശ്രീ. കോന്സ് അദ്ധ്യക്ഷനായ ചടങ്ങില് ആന്റി ബേക്കര് മുഖ്യ അതിഥിയായിരുന്നു. ശ്രീ. ആര്. അറക്കല്, ഹാമിദ് പോട്ടാറ്റോ, സെയ്യദ് കുളാണ്ടോവ്, സിനിമാ താരം വാസന്തി ക്ളിമു തുടങ്ങിയവര് ചടങ്ങില് പങ്കെടുത്തു. കുട്ടി ഇബ്രാഹിം കുട്ടി, ഗോപി ജാനൂസ്, ഉസ്താദ് ഡോ. തോണ് മോ, ക്യാപ്ടന് ഫ്രൂട്ട് എന്നിവരുടെ വേര്പാടില് യോഗം അനുശോചിച്ചു. രണ്ടു മിനിട്ട് മൌനമാചരിച്ചുകൊണ്ടാണ് ചടങ്ങുകള് ആരംഭിച്ചത്.
..................................................
രാജ്യം തെരഞ്ഞെടുപ്പ് ചൂടിലേക്ക്...
കീകോട്ട് മന്ദിര് ( പത്തായപുരം ): ഏത് നിമിഷവും രാഷ്ട്രപതിയുടെ വിജ്ഞാപനം പുറത്തുവരാം എന്ന് പ്രതീക്ഷിച്ചുകൊണ്ട് തന്നെ രാജ്യം തെരഞ്ഞെടുപ്പ് ചൂടിലേക്ക്. പ്രധാന രാഷ്ട്രീയ പ്രസ്ഥാനങ്ങളൊക്കെ തിരക്കിട്ട ചര്ച്ചകള് ആരംഭിച്ചു കഴിഞ്ഞു .പുറത്താക്കപ്പെട്ട കദീസുമ്മ ബീവി നയിക്കുന്ന കൃസരി ദളം ഫെഡറേഷന് (കെ ഡി എഫ്), ഹൌസിംഗ് ദളം ഫെഡറേഷന് ( എച്ച് ഡി എഫ് ) , എന്നീ പ്രധാന രാഷ്ട്രീയ പാര്ട്ടികള്ക്ക് പുറമെ ഗുഞ്ഞ്ച്ചുക സഭ , പട്ടസ്റ്റ് വിചാര് മഞ്ച് എന്നീ കക്ഷികളും ഈ തെരഞ്ഞെടുപ്പില് മത്സര രംഗത്ത് ഉണ്ടാകും.
PRESIDENT CALL BACK CHIEF CAMANDOS
INCLUDING MR GUNJUST SAA
TO THE COUNTRY
Keekot Mandir ( Pathaya puram ): The President of P.Puram Dr.K.S.H.Breht call back all camondos including Marhum Gunjust Saa to the country urgently.President also re- called Mr Sundan.P.Dev and mr. Manele Kuttappan
അശകുശല് എഡിറ്റര് ഇന് ചാര്ജ് ശ്രീ. കോന്സ് തന്റെ ഔദ്യോഗിക ജീവിതത്തിന്റെ ഭാഗമായി വീണ്ടും മിഡില് ഈസ്റ്റില് എത്തുമെന്ന് ചീഫ് എഡിറ്റര് ഡോ. വി. കുന്സുരുള ദോഹ ഷറാട്ടണില് നടന്ന മീറ്റ് ഡി പ്രസ്സില് പറഞ്ഞു. മാധ്യമ പ്രവര്ത്തകരുടെ ചോദ്യത്തിന് മറുപടിയായി ശ്രീ. ജലീല് ചാക്കാല അശകുശലിന്റെ സാരഥ്യം ഏറ്റെടുക്കാനുള്ള സാധ്യത തള്ളിക്കളയാന് സാധിക്കില്ലെന്ന് കുന്സുരുള പറഞ്ഞു. ആസ്ഥാന ഗായകന് ഉസ്താദ് ഡോ. തോണ് മോയുടെ നിര്യാണത്തില് അനുശോചനം അറിയിക്കാനാണ് അദ്ദേഹം മീറ്റ് ഡി പ്രസ് വിളിച്ചുചേര്ത്തത്.
ഇന്നു മെയ് 30പ്രധാനമന്ത്രി ശ്രീമതി കദീസുമ്മാ ബീവിയുടെ വാഹന വ്യൂഹത്തിനുനെരെ കരിങ്കൊടി പ്രകടനവുമായി മുന്നേറിയ ഗുലാംസു ഫാന്സ് അസോസിയേഷന് പ്രവര്ത്തകര് പൂച്ചക്കുന്നില് യുദ്ധസമാനമായ രംഗങ്ങള്ക്ക് വഴിയൊരുക്കി.
പ്രവര്ത്തകര് തികച്ചും അപ്രതീക്ഷിതമായി കമ്യൂണിസ്റ്റ് പച്ചകള്ക്കുള്ളില് നിന്നും വീഥിയിലേക്ക് ഓടി കയറുകയായിരുന്നു. എന്നാല് അകമ്പടി സേവിച്ച പത്തായപുരം സ്പെഷ്യല് കമാന്ഡോസ് സമരക്കാരെ മൃഗീയമായി ചവിട്ടിയരച്ചു. പിന്നീട് പോലീസ് നൂറോളം വരുന്ന ഗുലാംസു ഫാന്സ് അസോസിയേഷന് പ്രവര്ത്തകരെ അറസ്റ്റുചെയ്തു.
പത്തായപുരം സമാധാന് പുരസ്കാരത്തിന് അബുല് സാറയെ പരിഗണിക്കാഞ്ഞതിനെതിരെ രാജ്യവ്യാപകമായി പട്ടസ്റ്റ് വിചാര് മഞ്ച് നടത്തുന്ന സമരപരിപാടികളോട് അനുഭാവം രേഖപ്പെടുത്താനാണ് ഗുലാംസു ഫാന്സ് അസോസിയേഷന് പ്രവര്ത്തകര് ഇത്തരമൊരു സമരപരിപാടി ആസൂത്രണം ചെയ്തത്.
എന്നാല് സംഭവത്തെ പറ്റി ഗുല് ഗുലാംസു മൌനം ഭുജിക്കുകയാണ്. മാധ്യമ പ്രവര്ത്തകരെ കാണാന് അദ്ദേഹം വിസമ്മതിക്കുകയാണുണ്ടായത്.
സംഭവത്തെ കൃസരി ദളം ഫെഡറേഷന് നേതാക്കള് അപലപിച്ചു. ഇത്തരം സമരങ്ങളെ അടിച്ചമര്ത്തുകതന്നെ ചെയ്യുമെന്ന് ഫെഡറേഷന് നേതാക്കള് വാര്ത്താ സമ്മേളനത്തില് പറഞ്ഞു.
ലോകത്തിലെ ഏറ്റവും ചെറുതും സര്വ്വസ്വതന്ത്രവുമായ ഒരു സാങ്കല്പ്പിക രാഷ്ട്രമാണ് പത്തായപുരം. എങ്കിലും വത്തിക്കാന് പോലെ തുച്ഛമായിരുന്നില്ല ജനസംഖ്യ.കാരണം ഗര്ഭധാരണത്തിന് ഏറെ വളക്കൂറുള്ള മണ്ണാണ് ഇവിടുത്തേത്.
സര് തോമസ് മൂര് ലത്തീന് ഭാഷയില് എഴുതിയ ദാര്ശനിക രാഷ്ട്രമീമാംസ ഗ്രന്ഥത്തെ അവലംബിച്ചാണ് ഡോക്ടര് കുണ്ടത്തില് കുഞ്ഞുവറീത് മാപ്പിള പത്തായപുരത്തിന്റെ ഭരണഘടനക്ക് രൂപം നല്കിയത്. പത്തായപുരത്തിന്റെ ഉപ്പാപ്പ അബിയയാണ് ഈ കര്മ്മനിര്വ്വഹണത്തിന് കുഞ്ഞുവറീത് മാപ്പിളയെ ചുമതലപ്പെടുത്തിയത്.
പോളിയോല്ത്തിയ ലോല്ജിഫോളിയ എന്ന് ശാസ്ത്രനാമമുള്ള അരണമരമാണ് ദേശീയ വൃക്ഷം.
കനാബിസ് സറ്റൈവ എന്ന ശാസ്ത്രനാമമുള്ള കഞ്ചാവാണ് ദേശീയ സസ്യം.
മൃഗം: കുറുക്കന്.
പക്ഷി: കുത്തിച്ചുടാന്.
ഭക്ഷണം: പോത്തെറച്ച്യും പൊറാട്ടേം.
പരമ്പരാഗത തൊഴില്: തെറുപ്പ്.
ആസ്ഥാന ഗായകന്: ഉസ്താദ് തൊണ്ട് മോ.
വിനോദങ്ങള്: ഗുണ്ട്, പന്നിമലത്ത്.
സാക്ഷരത: സമ്പൂര്ണം.
റിയാല് എസ്റ്റേറ്റും ഹെര്ബല് ടൂറിസവും ഡ്രഗ്സുമാണ് പ്രധാന വരുമാനമെങ്കിലും റിയാലും ദിര്ഹവുമായി മാസാമാസം മിഡിലീസ്റ്റില് നിന്നും ട്രെയലറുകള് വരും.
പത്തായപുരം: ചെനാങ്കുളം കുടിവെള്ള പദ്ധതി ബോംബുവെച്ചു തകര്ക്കുമെന്ന തെക്കു ഭീകരരുടെ ഭീഷണിയെ തുടര്ന്ന് പി. പുരം ലിപ്പന് സിറ്റി അതിര്ത്തിയില് സൈന്യം സുരക്ഷ കര്ശനമാക്കി.
.jpg)
PPU Welcomes all Gunjust and Pattest students and parents to attend an open day at Climu Bazar Campus
~ Meet the Academician Mr.Gulamsu
~ Learn about PPU Colleges and Programs
~ Discover Everything we Have to Offer
~ Hear about our Plans for New Programs
Saturday, 25th april 2009 11 am - 1 pm at Climu Bazar Campus
for more information call toll free 50 11 -
Prof.Anawar Minawar, ( Vice chancellor )
ഗുലാംസു പ്രതിഷേധിച്ചു.
ക്ളിമു ബസാര് : പത്തായപുരം സമാധാന് പുരസ്കാരത്തിന് മഹാനായ അബുല് സാറയെ പരിഗണിക്കാത്തതിന്ന് പിന്നില് കദീസുമ്മാ സര്ക്കാരിന് പല ഹിഡന് അജണ്ടകളും ഉണ്ടെന്നും രാജ്യസ്നേഹികള് ഇതിനെതിരെ പ്രതിഷേധിക്കണമെന്നും ശ്രീ. ഗുല് ഗുലാബ് ഗുലാംസു ആഹ്വാനം ചെയ്തു. അബുല് സാറ ഫൌണ്ടേഷന് ഫോര് പട്ടസ്ടിക്ക് സ്റ്റഡി സെന്റര് ബിരുദ ദാനചടങ്ങില് പങ്കെടുത്ത് സംസാരിക്കുകയായിരുന്നു ശ്രീ ഗുലാംസു.
.jpg)
