പി. ഐ . എ യുടെ സ്ഥാപകന്.
ക്യാപ്റ്റന് ഫ്രൂട്ട് അന്തരിച്ചു.
പത്തായപുരം: ഫ്രൂട്ട് എയര് ലൈന്സിന്റെ ഉപജ്ഞാതാവും പട്ടമഠം ഇന്റര്നാഷണല് എയര് പോര്ട്ടിന്റെ ( പി. ഐ . എ )ശില്പിയുമായ ക്യാപ്റ്റന് ഫ്രൂട്ട് അന്തരിച്ചു. പൂച്ചക്കുന്നിലെ സ്വവസതിയില് ഇന്നു പകലായിരുന്നു അന്ത്യം. മരണസമയത്ത് ബന്ധുമിത്രാദികളെല്ലാം അടുത്തുണ്ടായിരുന്നു.
പത്തായപുരത്തിന്റെ വികസന രേഖയില് മായാത്ത അദ്ധ്യായമായി എഴുതിച്ചേര്ത്ത പട്ടമഠം ഇന്റര്നാഷണല് എയര് പോര്ട്ടിന്റെ സ്ഥാപനത്തിനായി അഹോരാത്രം പാടുപെടുകയും ഒടുവില് ആ സ്വപ്നം പൂവണിയുകയുമായിരുന്നു. പട്ടമഠം ഇന്റര്നാഷണല് എയര്പോര്ട്ടില് ആദ്യം പറന്നിറങ്ങിയ സ്വകാര്യ വിമാനം അദ്ദേഹത്തിന്റെ ഉടമസ്ഥതയിലുള്ള ഫ്രൂട്ട് എയര് ലൈന്സാണ്.
മച്ചര് & മിച്ചര്, സെയ്യദ് കുളാണ്ടോവ്, ജോണ്സണ് ഗ്ലിസഞ്ചര്, സര് റിച്ചാര്ഡ് ഗ്രീന് മൌത്ത്, തോണ് വസീര്, ആന്റി ബേക്കര്, അനാവര് മിനാവര്, ആര്. അറക്കല്, തുടങ്ങി നിരവധി പ്രമുഖര് ക്യാപ്റ്റന് ഫ്രൂട്ടിന്റെ നിര്യാണത്തില് അന്തിമോപചാരം അര്പ്പിക്കാന് പൂച്ചക്കുന്നില് എത്തിയിരുന്നു.
അശകുശല് ന്യൂസിനുവേണ്ടി ഹാമിദ് പോട്ടാട്ടോ മലര് ചക്രം അര്പ്പിച്ചു. ചീഫ് സബ് എഡിറ്റര് പാലൊളി തന്റെ അനുശോചന സന്ദേശത്തില്, ക്യാപ്റ്റന് ഫ്രൂട്ടിന്റെ ആകസ്മിക വേര്പാട് ഞെട്ടലുണ്ടാക്കിയതായി പറഞ്ഞു.
Subscribe to:
Post Comments (Atom)
.jpg)
No comments:
Post a Comment